فى لغة جديدة بين الشباب دلوقتى
وفيها مصطلحات غريبة زى مثلا :
شاب سنتاح
شاب خنتريش
انا مستكنيص
ايه الموود النهاردة
جلمبوح
ليتس جو
الموضوع ده اجرودى
شاب ميكى ميكى
كله في اللالاز
اوعى الجمبري يعضك
الحوار ده فاكِس... ( يعني الموضوع ده تعبان )
صباح الكنافة
من الالفاظ التي تطلع على الاشخاص وملهاش معنى
او يعني كلها تحمل معني ان الشخض ده اي كلام او تعبان في دماغه:
شنِحف
سيس
خبؤ
سِرس
من الالفاظ التي تدل على الضيق من شيء
يقولك مثلا "يا اخي دي بقت حاجة مٌخنقة"
من الالفاظ التي تدل على التعب او الصداع :
انا جبت جاز...والجديد بقى انها تجيب بترول
دماغي مطرملة
دماغي فصلت شحن
دماغي ساحت
ايه النظام - بقت دلوقت: ايه النيوز
إنجز
البنت زمان كانت بتقول مش عارفة - دلوقت بتقول مش عارف
واد سِو - يعني واد ابن تيتتتتتتتتتتتت
فـ السكرتة - يعني في السر (من secret)
بعض الكلمات العرايشية :
خيبة جوية ساعة عصرية (يعني يادي الخيبة)
ام جرص طصك في حبة عينيك (يعني بلا عبط)
والله اليوم ماردغنة (يعني اليوم فرحة)
تطور كلمة المناداة في المصرية
أيها الولد-ياولد -ياولا-ياد-ياااااااا
ايتها البنت - يا بنت - يابت -يابههه
واللغة دى على فكرة لغة عظيمة
وليها بردو نظريات عظيمة زى مثلا : النظرية جعيدى
ودى نظرية هندسية فيزيائية خنتريشية وعملها 2 دكاترة كبار
واخدين دكتوراة فى اللغة سعيد هما
د/احمد صبحي ... وبروفسورعلي مجانص
وتنص على :
انت لو ماشى فى الفضاء وعديت على الشمس وخدت منها حتة شمس((السائل
اللى بيغلى فيها حسب النظرية )) وحطيتها فى جردل بلاستيك ورحت تزور جماعة
قرايبك فى القمر
هنا ممكن واحد يقاطعنى ويسأل سؤال : ازاى الجردل البلاستيك مش حيسيح
اقوم انا ارد عليه وأقوله : اصله جردل الهلال والنجمة
المهم
نرجع لموضوعنا وبعد متروح القمر تروح عند اول بقال وتشترى منه ورق هدايا
علشان تحط فيه حتة الشمس ((يبقى شكلها احسن امام قرايبك))
وأنت داخل على قرايبك ترمى حتة الشمس فى صندوق الزبالة وتشترى اتنين كيلو برتقال
ومتلاقيش قرايبك علشان القمر معليهوش ناس اصلا
فتنتهز الفرصة وتقيس قدرة تحمل القمر للأشعة فوق بنية وتحت خضراء
وبعد كده ترجع الارض وتقيس المسافة بينها وبين النجمة اللى على ايدك اليمين وأنت طالع من المجرة
بس كده
وهى دى النظريه اللى بتؤكد ان افتكسات الشباب دى فعلا
كانت منسيه فى قاموس اللغه العربيه
المتفسحه ...
الخميس نوفمبر 28, 2013 2:24 pm